Tuesday, 14 June 2011

AGENT

AGENT

Chuni hui sarkar se hai kise aitraj,
                        Chune hue netaon ko banayein hum sartaj,
Lekin cuninda logo ka bhi ek dharma hai,
                        Jan heet mein kanoon bane, ye hi to tumhara karma hai.

Ghotale par ghotale ho,
Bhrastachar par bhrastachar ho,
Magar hey desh ke wasiyon,
tumhara na isse koi sarokar ho.

Lokdhan ko ye loot khayein,
ye taquat inhone ki arjit hai,
Aur inke khilaf awaj uthana,
ye to loktantra mein varjit hai.

Khud ke khilaf kanoon banana,
ye inhone kahan sikha hai,
Kyonki ye to samvidhan mein,
 kahin nahi likha hai.

Wo to ram raj tha,
                        Jab ek dhobi ke kehne matra se,
ram ne sita ki karwai agni pariksha thi,

Ye to loot raj hai,
                        jisme sathi dal dhan loota rahe,
                        pata nahi inhe kiske agya ki pratiksha thi?

Is loot ke khilaf awaj uthana,
ye to agenton ka kam hai,
Desh ka dhan loot khana,
ye to in bhrastachariyon ka iman hai.

Warna kabhi anna, kabhi baba, naa kisi dal ke agent kehlate the,
                        Aur sarkar agar samvedansheel hoti to,
                        To jan heet ke sakht kanoon kab ke ban jaate the.

No comments:

Post a Comment